Pedagogia Klodeta Dibra, ishte këtë të diel e ftuar në “Review” në Euronews Albania për të folur rreth zbrazjes së universiteteve. Rreth 40% e kuotave në universitetet publike janë bosh, ndërsa numri i studentëve është ulur vazhdimisht.

Pedagogia Dibra tha se situata e krijuar në arsimin e lartë është një situatë shkak pasojë, ndërsa theksoi se më e dhimbshme se kuotat bosh, është se ata që janë larguar kanë qenë maturantë më të mirë, gjë që ka shkaktuar rënie të cilësisë së studentëve.

“Arsimi është një shkak-pasojë. Kjo është një bjerrje e cila ka filluar para shumë kohësh. Tani mesatarja më e lartë është 8.2. Kjo tkurrje ndihet më shumë në universitetin e Tiranës. Në fillim këtij universiteti iu hoqën disa fakultete, u tkurr.

Duke mos thënë të vërtetën ne kemi arritur sot këtu. nuk e di se sa mund ta kapim këtë situatë në dorë e ta ndryshojmë. Ndryshimi nuk mund të ndodh sot për nesër, se si ndodhi kjo në 15-20 vite të fundit ne kemi gatuar këtë çorbën që po hamë sot. Ajo që mua më shqetëson sot, është cilësia, se kur ne na ikin maturantët, në ikin maturantët më të mirë”,-tha Dibra.

LEXONI GJITHASHTU:

• “Arsimi i Lartë në alarm”, Mehmeti: Në 36 vite s’kemi qënë kurrë më keq se kaq
• Si u krijua “Xhamadani vija-vija” për Kosovën? Shkurte Fejza u habit kur e dëgjoi…