Drejtori i Agjencisë së Bregdetit: Do kemi monitorim të rreptë të vijës bregujore

Drejtori i Agjencisë Kombëtare të Bregdetit, Ledion Lako, ishte i ftuar këtë të shtunë në emisionin Review në Euronews Albania, ku foli në lidhje me masat për mbarëvajtjen e sezonit turistik. Lako tha se Agjencia e Bregdetit nuk do të lëshojë asnjë leje për stacion plazhi në rastet që nuk do të përmbushet kriteri i vrojtuesve të plazhit.

Gjithashtu ai shtoi se kontrollet në terren për plotësimin e kritereve të stacioneve të plazhit kryhen nga inspektoriatet por dhe task forcat rajonale nën drejtimin e prefektit.

Sakaq ai shtoi se vija bregdetare dhe mjetet lundruese do të jenë nën monitorimin e policisë kufitare, për të pasur një sezon turistik pa problematika.

“Duhet të theksojmë se çdo konratë që lidh Agjencia e Bregdetit, gjithashtu edhe bashkitë pasi është një kontratë trepalëshe. Ne nuk e lidhim kontratën nëse nuk sjellin marrëveshje të noterizuar me vrojtuesit e plazheve. Agjencitë rajonale ndodhemn në terren dhe kontrollojnë praninë vrojtuesve të plazheve dhe përmbushjen e të gjitha detyrimeve.

Kemi inspektoriatet, por kemi dhe agjencitë rajonale me task forcat rajonale që po drejtohen nga prefektët të cilat vijojnë kontrollet për të përmbushur kriteret. Për sa i përket vijës bregujore do të kemi policinë kufitare e cila do të kryejë një monitorim të rreptë të vijës breg-ujore dhe asnjë nga subjektet që nuk është i certifikuar dhe nuk ka mjete të certifikuara do kenë penalizime dhe nuk do lehohen të hyjnë në det”, tha Lako.

LEXO GJITHASHTU:

• “Biznesmeni priste 100 punonjës nga Sri Lanka”, Kikia: Po s’i erdhën e falimentojnë
• “Mos u ankoni për çmimet e larta”, Gladiola Dona thirrje shqiptarëve
• Turistët nga Kosova do braktisin Shqipërinë