“Droga kalon lehtë me postë se nuk hapen pakot, ruhet privatësia” – Flet eksperti

Dy persona u arrestuan dhe një tjetër u shpall në kërkim nga policia një ditë më parë, pasi trafikonin lëndë narkotike kanabis sativa, nga SHBA në vendin tonë, duke përdorur shërbimin postar.

Bashkim Selmani, ekspert i sigurisë tha në emisionin GoodMorning Albanians se trafikimi i drogës përmes postë është një fenomen i përhapur dhe institucionet kujtohen vetëm kur SHBA dhe BE i kap.

“Aktualisht në Shqipëri edhe në rrjetet sociale ku bëhet tregtia e mallrave të ndryshme dhe posta është shumë aktive, por paralelisht jam shumë i bindur  se kjo formë tani është shumë aktive, edhe me RMV dhe me Kosovën. Lëndët narkotike që janë më të lehta për t’u transportuar dhe vetëm atëherë kur i kap BE dhe SHBA, kur ata japin indikacione, ne i bëjmë publike. Posta është e siguruar nga privatësia, pasi pakoja është e ndaluar të hapet dhe pikërisht kjo është shfrytëzuar”, tha eksperti.

LEXONI GJITHASHTU:

• EMRI| Trafikonin drogë nga SHBA duke përdorur postën, 2 në pranga 1 në kërkim
• EMRAT| Të akuzuar për trafik droge, ekstradohen nga Italia dhe Greqia dy shtetas