Drogë, eksploziv dhe armë të ftohta, arrestohen 3 persona në Lushnjë, 1 i proceduar

Policia e Lushnjës ka finalizuar operacionin “Penaliteti”, duke sekuestruar sasi droge, lëndë eksplozive dhe armë të ftohta. Si rezultat i këtij operacioni u arrestuan tre persona dhe u procedua penalisht një tjetër.

Policia e Lushnjës ka vënë në pranga:

1. E. L., 32 vjeç, banues në Kuçovë, i cili transportonte në automjet një sasi kanabisi dhe një kallëp lënde eksplozive artizanale.
2. R. K., 21 vjeç, banues në Lushnjë, tek i cili u gjetën doza kanabisi dhe një përforcues grushti.
3. A. M., 24 vjeç, banues në Lushnjë, i cili kishte në automjet një sasi kokaine.

Gjithashtu, një 17-vjeçar nga Lushnja është proceduar penalisht pasi iu gjetën dhjetëra doza kanabisi që, sipas hetimeve, synonte t’i shiste pranë shkollave të qytetit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

LEXONI GJITHASHTU:

• Përshtati lokalin për vënie bastesh me celularë, arrestohet 56-vjeçari në Lushnje
• Goditet një rast i lojërave të fatit në Dibër, arrestohet punonjësi i lokalit