Dua Lipa, Rita Ora, Bebe Rexha? Kush do jetë në përurimin e rrugës “Ismail Qemali”…

Emërtimi i rrugës në Staten Island, Neë York, për nder të Ismail Qemalit do të jetë një moment i paharrueshëm për komunitetin shqiptar.

Kjo ceremoni do të bëjë bashkë qindra e mijëra shqiptarë nga e gjithë Shqipëria dhe trojet e tjera shqiptare. Qyteti i New York-ut ka vendosur të nderojë një nga heronjtë e shquar të Shqipërisë duke i vënë emrin e tij një rruge.

Naser Nika, kryetar i shoqatës shqiptaro-amerikane tha në emisionin GoodMorning Albanians në Euronews Albania se po lobon që në ceremoni të jenë të pranishme edhe yjet e muzikës shqiptare si Dua Lipa, Rita Ora apo Bebe Rexha.

Ai u shpreh se ka biseduar me stilistin e njohur Fadil Berisha i cili i ka premtuar se do të bëjë të mundur pjesëmarrjen e tyre.

“Fadil Berishën e kam shok dhe përmes tij i kam kërkuar që të ftojë këngëtaret e njohura shqiptare me famë botërore si Dua Lipa, Rita Ora apo Bebe Rexha. Unë i kam thënë se nëse ka një njëri që mund t’i ftojë ai është Fadil Berisha dhe e kam lënë në dorë të tij. Ajo do të ishte një gjë shumë e bukur, por ndoshta mundësitë më të mëdha për të marrë pjesë i ka Bebe Rexha duke qenë se jeton këtu. Fadili më ka thënë që do të bëjë maksimumin”, tha ai.

LEXONI GJITHASHTU:

• “Ismalil Qemali”, emri i një rruge në New York, flasin shqiptarët që nisën këtë ide
• Një rrugë në New York do të quhet “Ismail Qemali”