Dule: Ka shkelje në procesin e Censit, s’bëjnë pyetjet për përkatësinë etnike

Kryetari i PBDNJ Vangjel Dule tha në një komunikim për mediat  këtë të mërkurë se gjatë regjistrimit të popullsisë dhe banesave janë vërejtur parregullsi të shumta nga ana e atyre që bëjnë regjistrimin.

Ai tha se shpesh regjistruesit mbajnë shënime jo në tabletë siç duhet por në letër duke u thënë qytetarëve se do i hedhin më vonë në tablet. Gjithashtu Dule ngriti shqetësimin se qytetarëve nuk u bëhen pyetjet për përkatësinë etnike apo fetare, ai tha se ato pyetje duhen bërë patjetër dhe se i duhet lënë në dorë qytetarit nëse duan apo jo të përgjigjen.

“Me shumë këmbëngulje gjatë gjithë këtyre viteve, në përgatitjen e censit 2023, si ne Partia Bashkimi për të Drejtat e Njeriut, ashtu edhe institucionet përfaqësuese të minoriteteve në vend, jemi përpjekur të japim kontributin tonë për një proces korrekt dhe të gjithë pranuar deri ën momentet e fundit në takimet me ISNSTAT-in jemi përpjekur që të përcjellim frymë bashkëpunimi, koordinimi me qëllimin e një rezultati demokratik e të gjithë pranuar.

Prej datës 18 shtator, ka filluar cens 2023 me shqetësim po ju prezantojmë gjetjet e aktivistëve të partisë Bashkimi për të drejtat e njeriut dhe të asociacioneve të minoriteteve në lidhje me zhvillimin e këtij censi. Ka shumë raste kur regjistruest në kundërshtim flagrant me ligjin nuk e ruajnë regjistrimin në tabletat përkatëse, dhe thonë se do i hedhin më vonë ato.

Kjo përbën një shkelje të rëndë të procedurës. Nuk lihet njoftim me shkrim ashtu siç e kërkon ligji në ato banesa ku momentalisht nuk ndodhet qytetari. Kemi raste në Tiranë, Korçë, Sarandë, ku nuk u drejtohen pjesëtarëve pyetjet në lidhje me përkatësinë etnike, me gjuhën anëtare dhe besimin fetar. Kur qytetarët kërkojnë të deklarojnë edhe këto elemente u thuhet se këto janë fakultative. Ligji e bën të qartë që është fakultative përgjigjja e qytetarit, pyetja duhet të bëhet.

Një biznesmen i njohur në Sarandë kur kërkoi të regjistrohej përkatësia e tij etnike greke, në mënyrë të përsëritur, tre herë në kundërshtim me ligjin u pyet nëse ishte i sigurt, sepse kishte prona dhe biznese”,-tha Vangjel Dule.

LEXONI GJITHASHTU:

• Identifikohen terroristët serb, analisti: KFOR-i amerikan i ka me emra dhe mbiemra
• Shkrimtarët e Holivudit ndërpresin grevën, rikthehen në punë pas pesë muajsh