Durrës| Shkaktoi aksidentin ku ndërroi jetë pasagjeri 32-vjeçar, arrestohet shoferi

Një 46-vjeçar në Durrës ka rënë në prangat e Policisë, pasi teksa ka qenë duke drejtuar automjetin, ka humbur kontrollin e tij dhe për pasojë makina ka dalë nga rruga.

Nga aksidenti humbi jetën në spitalin e Traumës një 32-vjeçar i cili ishte pasagjer në atë makinë.

Ndërkohë materialet i kaluan Prokurorisë së Durrësit për veprime të mëtejshme hetimore.

Njoftimi i Policisë:

Durrës-Specialistët e qarkullimit rrugor arrestuan në flagrancë shtetasin S. L., 46 vjeç, banues në fshatin Rubjekë, pasi mbrëmjen e djeshme, në fshatin Bilalas, ka humbur kontrollin mbi drejtimin e automjetit dhe si pasojë automjeti ka dalë nga rruga. Nga aksidenti ka humbur jetën në Spitalin e Traumës, pasagjeri në këtë automjet, shtetasi Gj. Gj., 32 vjeç, banues në Shijak.

Specialistët për Hetimin e Krimeve të Komisariatit të Policisë Durrës ndaluan shtetasin e shpallur në kërkim E. K., 48 vjeç, banues në fshatin Xhavzotaj, pasi Gjykata e Durrësit i ka caktuar masën e sigurisë “Arrest në burg”, për veprën penale “Kundërshtimi i punonjësit të Policisë së rendit publik”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Aksidenti i mini-busit me shqiptarët në Itali, MEPJ: Janë jashtë rrezikut për jetën
• Aksident me Jet Ski në Dhërmi, transportohet me urgjencë për në spital 33-vjeçari