Aksidenti i mini-busit me shqiptarët në Itali, MEPJ: Janë jashtë rrezikut për jetën

Ministria e Jashtme e Shqipërisë ka reaguar në lidhje me lajmin se një minibus me turistë shqiptarë u përfshi në një aksident në Katania pasditen e kësaj të shtune. Përmes një deklarate për mediat MEPJ bën me dije se shqiptarët që ndodheshin në mini-bus ndodhen jashtë rrezikut për jetën dhe kanë marrë ndihmën e nevojshme nga autoritetet.

Ministria e Jashtme shton se përfaqësuesit e ambasadës dhe konsullatave po monitorojnë situatën e janë në kontakt të vazhdueshëm me palën italiane.

Si pasojë e aksidentit mbetën të lënduar 16 persona. Ndërkohë që dyshohet që shkak për aksidentin të jetë bërë një defekt me sistemin e frenimit.

“Ministria për Evropën dhe Punët e Jashtme, menjëherë pas informacionit mbi aksidentin automobilistik në Katania, është vënë në komunikim me autoritetet italiane, përmes ambasadës së RSH në Romë dhe konsullatave të RSH në Milano e Bari.

Sipas informacioneve paraprake, të gjithë të lënduarit kanë marrë ndihmën e nevojshme nga autoritetet shëndetësore e janë jashtë rrezikut për jetën. Me porosi të Ministrit Igli Hasani, përfaqësuesit e ambasadës dhe konsullatave po monitorojnë situatën e janë në kontakt të vazhdueshëm me palën italiane”, thuhet në deklaratë.

LEXONI GJITHSHTU:

• Autobusi me turistë nga Shqipëria përfshihet në një aksident të rëndë në Itali
• Aksident me Jet Ski në Dhërmi, transportohet me urgjencë për në spital 33-vjeçari
• Audi përplaset me Benzin dhe makinat e parkuara, pamje nga aksidenti masiv në Lezhë