Dy persona në Tiranë kanë mbetur të plagosur me armë zjarri pas mesnatës, teksa po festohej ndërrimi i viteve.

Një grua italiane ka mbetur e dëmtuar në këmbë nga një plumb qorr gjatë mbrëmjes së djeshme pranë Ministrisë së Drejtësisë.

Po ashtu bëhet me dije se edhe një tjetër shtetas pranë Piramidës ka mbetur i plagosur me armë zjarri, nga një plumb qorr.

Përsa i përket rastit të shtetases italiane, sipas informacioneve paraprake nga burime policore, plumbi qorr e ka prekur në pjesën e thembrës së këmbës.

E dëmtuara ndodhet në Spital jashtë rrezikut për jetën. Ajo ka qenë duke ecur në bulevard në korsinë e biçikletave dhe ngjarja e regjistruar në orën 12:35.

Dyshohet të jetë qëlluar nga një makinë në lëvizje, ndërkohë që po vijon kqyrja e kamerave të sigurisë aty pranë.

Njoftimi i Policisë:

Tiranë/Informacion paraprak

Më datë 01.01.2024, rreth orës 00:35, në bulevardin “Zogu I”, është dëmtuar dyshohet me armë zjarri, me vrimë hyrje nga lart-poshtë, me burim zjarri ende të paidentifikuar, shtetasja e huaj. A. K., 51 vjeçe, e cila  ndodhet  në spital e cila ka marrë ndihmën mjekësore dhe ndodhet jashtë rrezikut për jetën.

Dyshohet se plaga mund të jetë shkaktuar  nga një predhë e kalibrit të vogel e ardhur nga lartësia.

Grupi hetimor në drejtimin e Prokurorit po punon për sqarimin e plotë të rrethanave të ngjarjes.

Për këtë ngjarjenl do te kemi informacion më të zgjeruar pas sqarimit të plotë të të gjitha rrethanave dhe mekanizmit të ndodhjes së ngjarjes.

LEXONI GJITHASHTU:

• Gruaja italiane në Tiranë plagoset nga një plumb “qorr”, çfarë ndodhi pas mesnate
• I kërcënoi babain, i riu shqiptar plagos rëndë me thikë një 47-vjeçar italian