Pas dy sezonesh në Milano duke shënuar 22 gola me Interin, sulmuesi Edin Dzeko i ka dhënë lamtumirën zikaltërve.

37-vjeçari është prezantuar në kampionatin turk e konkretisht tek skuadra e Fenerbahçe, ndërsa ka nënshkruar një kontratë dyvjeçare.

Edhe pse në moshë të madhe, ndaj bomberit boshnjak kishte disa oferta nga klube të njohura në Evropë, ndërsa më bindësja ishte ajo e skuadrës turk. Dzeko do të përfitojë 4.2 mln euro në dy vitet e ardhshme tek nënkampionët e Turqisë.

“Mirupafshim Inter, ishin dy vite të mrekullueshme! Kë qenë një rrugëtim i jashtëzakonshëm. Rrugët tona ndahen tani, faleminderit për gjithçka!”, postoi në rrjetet sociale Dzeko.

Kujtojmë se sulmuesi ka një karrierë të suksesshme në Evropë, ku ka luajtur për Wolfsburgun për 4 sezone, më pas duke u transferuar tek Manchester City. Në 2015-ën u huazua tek Roma, ndërsa më pas qëndroi për 6 vite deri sa veshi fanellën zikaltër. Me Interin fitoi disa trofe, ndërsa ishte dhe titullar në finalen e Ligës së Kampionëve ndaj Man Cityt.

LEXONI GJITHASHTU:

• Synohet sulmuesi i Interit, Bellingham prezantohet në ‘Santiago Bernabeu’
• Newcastle i ofron Interit 60 milionë euro për yllin e tyre