E dekonspiruan? Vrasja e dyfishtë në Dukagjin, dyshimet pse u ekzekutuan babë e bir

Gjokë dhe Eduart Gurra, babë e bir, u vranë dy ditë më parë me armë zjarri në fshatin Sumë, në Dukagjin të Shkodrës, nga persona ende të paidentifikuar.

Një nga pistat ku po heton policia është denoncimi i parcelave më kanabis nga Gjokë Gurra i cili ka qenë kryeplak i fshatit.

Ish-drejtuesi i policisë Arben Hajdarmataj tha në një intervistë për Euronews Albania se nëse dikush denoncon mbjelljen e kanabisit duhet të merret në mbrojtje.

Hajdarmataj u shpreh se praktika e policisë, që në rastet e konstatimit të parcelave me kanabis shoqëron kryeplakun, është e padrejtë. Sipas tij, përgjegjësia e parë në këtë rast është e policisë së shtetit.

“Mund të jetë një nga arsye që nuk është ruajtur anonimati i personave që kanë denoncuar, informacioni mund të jetë dhënë nga efektivë të policisë. Njerëzit që banojnë në ato zona janë të paktë dhe njihen me njëri-tjetrin dhe personat që e kultivojnë kanabisit janë të paktë. Në zonat ku gjenden parcela me kanabis që janë pa zot, për të justifikuar punën ne vet policia shkon dhe shoqëron kryeplakun dhe punonjësin e pyjeve, por detyra e policisë është të gjejë autorin. Këta njerëz nuk mund të mbajnë përgjegjësinë e drejtpërdrejtë, këtë përgjegjësi e ka policia e shtetit”, tha Hajdarmataj.

LEXONI GJITHASHTU:

• Vrasja e dyfishtë në Shkodër, gazetari: Dy ishin autorët, si i ndoqën babë e bir
• Vrasja babë e bir në Shkodër, pistat që po heton policia