E divorcuar dhe nënë e tre fëmijëve, e plagosura në Shkodër bashkëjetonte me autorin

Një ngjarje e rëndë ka tronditur qytetin e Shkodrës këtë të martë, ku një 34-vjeçar ka qëlluar me armë zjarri bashkëjetuesen e tij brenda në makinë, duke e plagosur rëndë, dhe më pas ka vrarë veten.

Sipas informacioneve paraprake, autori është identifikuar si Kolë Manaj, i cili ka qëlluar me armë zjarri 40-vjeçaren Anila Prendushi, e cila ndodhet në gjendje kritike për jetën me një plumb në kokë.

Pas kësaj, ai ka drejtuar armën ndaj vetes, duke gjetur vdekjen e menjëhershme.

Korrespondenti i Euronews Albania në Shkodër, Teodor Gjerga, ka raportuar se “automjeti ku ndodhi ngjarja ishte në pronësi të Anila Prendushit.

“Ajo është rreth 40 vjeç, nënë e tre fëmijëve dhe e divorcuar nga martesa e parë, ndërsa prej pesë vitesh bashkëjetonte me autorin e kësaj ngjarjeje, Kolë Manaj, 34 vjeç. Gjatë kësaj kohe, çifti nuk ka shfaqur probleme dhe ka pasur një marrëdhënie të qetë, pasi nuk është raportuar më parë për ndonjë konflikt apo problematikë mes tyre”, tha Gjerga.

Autoritetet kanë nisur hetimet për të zbardhur rrethanat dhe motivet e plota të këtij krimi të rëndë, ndërsa gjendja shëndetësore e Anila Prendushit mbetet kritike.

LEXONI GJITHASHTU:

• Vrasja në Shkodër/ Foto e autorit, vajza në gjendje të rëndë, ka një plumb në kokë
• Të shtëna me armë zjarri në qytetin e Shkodrës: Një i vrarë, një në gjendje të rëndë