E gjithë java me diell, mot i qëndrueshëm në javën e parë të Tetorit

Meteorologu Hakil Osmani ishte këtë të hënë në “Good Morning Albanians”, ku foli për parashikimin e javës së parë të tetorit.

Sipas tij edhe këtë javë moti do të jetë i ngrohtë, madje do ketë temperatura më të larta se sa temperaturat që ka vjeshta zakonisht.

“Në fakt kjo javë parashikohet të jetë në dominimin e motit të qendrueshëm gjatë paraditeve do të kemi intervale të gjata me kthjellime, ku m ëtë dukshme pritet të jenë në ultësirën perëndimore, ndërsa në zonat malore, pritet të kemi kalime vranësirash, të cilat do bëhen disi më të dukshme në pjesët e dyta të ditës, por nuk rrezikohet nga rreshjet. Pothuajse gjithë kjo javë do të jetë në mbizotërimin e motit  të qendrueshëm.

Edhe pse jemi në muajin e dytë të vjeshtës temperaturat në orët e mesditës do të jenë të larta rreth  vlerave 29-30 gradë  celsius. Sa i përket parametrit të erës, do kemi një erë e cila nuk do jetë e ndjeshëm. do ndihet në orët e para të mëngjesit, ku në zonat malore do jenë temperaturat 9- 10 gradë celsius, ndërsa në ultësirën perëndimore do të kemi vlera në 15-16 gradë celsius, duke u afruar shumë pranë vlerave normale”,-tha Hakil Osmani, ndërkohë që shtoi se në mesditë vlerat do jenë 4 apo 5 gradë më të larta se ç’duhet të jenë në vjeshtë.

LEXONI GJITHASHTU:

• Kanada, dy alpinistë sulmohen për vdekje nga një ari
• Mehmeti ironizon sistemin arsimor: T’i them familjes rrini pa bukë se hamë titullin