“E preka në zemër Papa Gjon Palin II” – Ja çfarë i dhuroi shkodrani me nanizëm

Ardit Mancaku është 44-vjeçari me nanizëm nga Shkodra, i cili edhe pse i braktisur nga familja në moshën 2 vjeçare dhe me 18 operacione në trup, është gjithmonë shumë i buzëqeshur. Ai punon dhe është pjesë e një bande muzikore në Shkodër, teksa dëshiron dhe të krijoje familjen e tij, gjë që nuk e ka arritur deri më sot.

Atij i duhet që me vete të ketë gjithmonë patericat, por kjo nuk e kufizon aspak në jetën e përditshme, madje i është bërë e zakonshme.

Në një intervistë për emisionin GoodMorning Albanians ai u shpreh se  të qenët me nanizëm nuk e privon atë nga punët e përditshme që siç tha i japin lumturi.

Ai tregoi se 30 vjet më parë është takuar me Papa Gjon Palin II në Vatikan nga i cili ka marrë bekimet.

“Jam takuar në 93, ka qenë dita e të sëmurëve ën Vatikan dhe i kam dhënë një vizatim ku kisha vizatuar një lule, një pemë, një pulë dhe një shtëpi dhe i kam thënë kjo është për ty. Është prekur në zemër dhe më ka dhënë bekimin sa më ka parë duke ecur me këmbët e mia. Është mrekulluar kur më ka parë duke ecur sepse Nënë Tereza ka qenë dora e Zotit”, tregoi ai.

LEXONI GJITHASHTU:

• Papa pro martesave LGBT?! Imzot Dodaj: Zoti nuk bekon “lëmshin” por njeriun
• Papa Françesku: Duhen marrë masa urgjente ndaj ndryshimeve klimatike