Gazetarja Aida Topalli ka treguar për situatën në Turqi, pas dy tërmeteve të fuqishme që goditën vendin rreth dy javë më parë.

Nga Adana, në një lidhje me Euronews Albania, Aida Topalli u shpreh se janë nxjerrë shumë persona të pajetë nga rrënojat, por nënvizoi se kanë ndodhur edhe mrekulli.

Topalli tregoi rastin e një 45-vjeçarje e cila kishte qëndruar me ditë të tëra nën rrënoja dhe familjarët e saj nuk kishin shpresa se mund të ishte gjallë, por fatmirësisht, ajo u nxorr me shenja jete.

“Më duhet të them që ka pasur edhe momente kur familjarët ishin përgatitur për të nxjerrë trupin e pajetë të një 45-vjeçareje nga rrënojat. Jo vetëm familjarët, por edhe nga ekipet e kërkim shpëtimit, por ajo doli e gjallë. Po, pas shumë orësh.

Kemi pasur edhe dy ditë më parë, persona të nxjerrë nga rrënojat. Pra, ka pasur mrekulli në këtë mes, për fat të mirë. Shpresojmë shumë që të kemi edhe sadopak lajme të mira që vijnë poshtë rrënojave”, theksoi ajo.

LEXONI GJITHASHTU

• Turqia në ditën e 12 pas tërmetit, 3 persona nxirren të gjallë nga rrënojat
• Kur fati të merr jetën, futbollisti planifikoi të largohej pak para tërmetit
• Mbi 45 mijë viktima nga tërmeti në Turqi dhe Siri, shumë të tjerë ende të zhdukur