Edi Rama: Mblodhëm firmat për një rezolutë të re, drejtësia do triumfojë për Kosovën

Kryeministri Edi Rama tha se më në fund janë mbledhur firmat në Asamblenë e Këshillit të Evropës për një rezolutë të re mbi rezolutën e vitit 2011, ku u ngritën akuza për ushtrinë çlirimtare të Kosovës.

Me anë të një postimi në Facebook ai tha se rruga e drejtësisë për Kosovën do të jetë e gjatë, por në fund fare drejtësia do të triumfojë.

“I mblodhëm më në fund firmat në asamblenë e Këshillit të Evropës për mocionin për një rezolutë të re mbi rezolutën e vitit 2011, ku pa asnjë fakt u ngritën akuzat e tmerrshme ndaj ushtrisë së lavdishme çlirimtare të Kosovës për trafikun e organeve njerëzore

Rruga e Drejtësisë për Kosovën, gjakun e derdhur për liri, dëshmorët e UÇK-së dhe heronjtë e saj të gjallë sot në Hagë, do të jetë e gjatë, e mundimshme, madje edhe fyese deri në palcë, por Drejtësia do të triumfojë në fund fare, sepse s’ka forcë në botë që ta damkosë si kriminale një luftë çlirimtare”,-ka shkruar në postimin e tij kryeministri Rama.

LEXONI GJITHASHTU:

• Lyon triumfon ndaj PSG, disfata e 5-të për parizienët në Ligue 1
• Legalizuan objektin duke cënuar xhaminë, ASHK kallëzon në SPAK drejtorin e 6 zyrtarë
• “Selimi përshëndeti gruan, Thaçi më serioz”, gazetari tregon ç’ndodhi në Hagë