Eduart Gjokutaj: Tregu imobiliar është i prishur nga pastrimi i parasë

Eksperti i ekonomisë Eduart Gjokutaj ishte këtë të shtunë i ftuar në emisionin “Review” në Euronews Albania për të folur rreth rritjes së çmimit të referencës së banesave.

Ai tha se në Shqipëri tregu imobiliar është ndikuar nga informaliteti dhe pastrimi i parave të pista. Ai theksoi se me largimin e shumë emigrantëve pritej që çmimet të uleshin, por për shkak të futjes së parave të pista në vend, këtu ndodh e kundërta, gjë që nuk është aspak e arsyeshme dhe e shpjegueshme ekonomikisht.

“U bënë shumë vite që nuk fitohet nga kërkesë-oferta e çmimit pasi jemi në kushtet e një ekonomie informale. Është thënë shpesh që kostot e ndërtimit nuk e përfaqësojnë në një masë të madhe atë që konsiderohet realitet.

Në fakt hapja e një tregu i cili ndikohet edhe nga pastrimi i parave të pista, shembuj në botë ka shumë, unë po marr Kaliforninë e cila dallon pikërisht për këtë arsye. Kjo hyrje e parave, ky model infromaliteti e ka pozicionuar edhe sektorin e ndërtimit, përtej asaj që është një nivel i arsyeshëm ekonomikisht”,-tha Eduart Gjokutaj.

LEXONI GJITHASHTU:

• Qeveria rriti çmimin e referencave/ Hebovija: Vendimi u mor pa u konsultuar me ne
• Komediani Russell Brand akuzohet për përdhunim dhe sulm seksual