Edukatorja që dhunoi 3-vjeçaren dhe nëna që braktisi foshnjën, sot para gjykatës

Edukatorja Majlinda Dehima dhe 30-vjeçarja Egljanta Isufi do të paraqiten këtë të diel para gjykatës.

Dehima u arrestua pas kërkesës së prokurorisë dhe akuzohet se ka ushtruar dhunë në ambientet e kopshtit “Stinët” ndaj një vajze 3-vjeçare, duke i thyer këmbën kësaj të fundit.

Rasti u bë publik për mediat, pasi edhe pse prindërit bën më herët denoncimin, policia nuk kishte marrë asnjë masë.

Ndërkohë, Isufi e lindi foshnjën dhe e la në bodrumin e një pallati në Yzberisht ditën e mërkurë. Një ditë më pas i porsalinduri ndërroi jetë.

Ajo ka deklaruar se arsyeja që e ka fshehur shtatzëninë dhe ka braktisur bebin ka qenë sepse nuk ka dashur që të merret vesh nga familjarët e saj, pasi është e pamartuar.

LEXONI GJITHASHTU:

• Arrestohet edukatorja që dhunoi 3-vjeçaren në kopsht
• Vdekja e foshnjës pas braktisjes në bodrum, arrestohet nëna 30-vjeçare