Efektivi i FNSH Nikollë Lekndreaj ka humbur jetën mbrëmjen e djeshme teksa kthehej në shtëpi në fshatin Bardhaj.
51-vjeçari po kthehej rreth orës 2:50 të mëngjesit me motor dhe dyshohet se për shkak të errësirës dhe motit të keq ai ka humbur kontrollin e motorit e ka përfunduar në një kanal me ujë. Rrjedha e ujit e ka marrë me vete efektivin, trupi i të cilit u gjet mëngjesin e kësaj të mërkure gjatë kontrolleve në kanalin që të çon në lumin Kir.
Dy nga banorët e zonës kanë folur për Euronews Albania lidhur me ngjarjen. Ata e kujtojnë efektivin si njeri shumë të mirë dhe shprehen se u ka dhembur në shpirt kjo ngjarje e rëndë.
“I kemi shtëpitë ngjitur. Ai ka qenë vetëm me dritat e motorit, ka qenë terr gjithkund. Ishte burr i mirë fort”,-tha një nga fqinjët e tij.
“Ka pasur shumë ujë këtu. Në shpirt, në shpirt e kemi ndier. Ka fëmijë. Ia ka lënë Zoti hisen”,-tha banori tjetër.
LEXONI GJITHASHTU:
- Humbi kontrollin e motorit dhe ra në kanal, humb jetën punonjësi i FNSH në Shkodër
- Blindohet Vlora! FNSH aksion në disa lagje të qytetit, arrestohen 2 persona
