Egnatia merr “leksione” nga Napoli, rrogozhinasit pësojnë 4 gola

Napoli i Antonio Contes vijon përgatitjet në prag të sezonit të ri në kampionatin italian, ndërsa në fundjavë u ndal në një tjetër test miqësor. 3 herë kampionët e Serisë A luajtën përballë Egantias, të cilën e mposhtën mer poker golash. Tekniku italian nuk i kurseu disa nga yjet e ekipit edhe pse vijnë të lodhur pas kampionatit evropian, duke u dhënë një tjetër ngarkesë, mes tyre Kvaratskhelia apo Lobotka.

Një test që rezultoi i lehtë për napoletanët, që kishin diferenca të mëdha në fushë me kampionët e Superligës. Në pjesën e parë u shënuan dy gola me Kvaraskhelian dhe Politanon, ndërsa në fraksionin e dytë Conte kreu disa zëvendësime. Simeone realizoi të tretin, ndërsa Ngogne vulosi triumfin 4-0, duke bërë që Napoli të fitojë 3 nga 3 miqësoret e zhvilluara me 11 gola të realizuar e 0 të pësuar.

Në anën tjetër për rrogozhinasit ishte një miqësore luksi, ashtu si sezonin e shkuar ndaj Interit, por asokohe gjetën rrugën e rrjetës dy herë. Egnatia tanimë do të vijojë përgatitjet për ndeshjen e kthimit në Conference League.

LEXONI GJITHASHTU:

• Bayerni zyrtarizon sulmuesin Olise, në pritje të nënshkrimit me Palhinha
• Shpalli kampion Leicester-in, trajneri italian tërhiqet pas 38 vitesh nga futbolli