Egnatia mposht Bylisin 5-1, Teuta fiton me Vorën

Egnatia ka arritur një fitore të rëndësishme në javën e 12-të të Kategorisë Superiore, duke mundur Bylisin me rezultatin 5-1.

Në këtë takim spikati sulmuesi Bakayoko, i cili realizoi katër gola për rrogozhinasit. Takimi nisi keq për Bylisin, pasi Kane shënoi një autogol në minutën e pestë, ndërsa më pas u ndëshkua me karton të kuq në minutën e 17’.

Me këtë fitore, Egnatia vijon të qëndrojë në vendin e tretë me 22 pikë, ndërsa Bylisi mbetet në vendin e 7-të me 12 pikë.

Në ndeshjen tjetër, Teuta arriti një fitore të rëndësishme në transfertë ndaj Vorës, me rezultatin 0-1. Goli i vetëm u shënua nga Kotobelli në minutën e 68-të, duke i siguruar skuadrës durrsake tre pikë të vlefshme.

“Jam shumë i lumtur për fitoren dhe për 3 pikët. E rëndësishme ishte të reagonim pas humbjes së fundit. Ndeshja ishte e luftuar, por ajo që ka rëndësi janë pikët dhe vazhdimësia për ndeshjen tjetër”, deklaroi Kotobelli pas takimit.

Ndeshja u zhvillua në stadiumin “Niko Dovana” në Durrës, me dakordësinë e klubit të Vorës ndërsa në fundin e saj u shoqërua me polemika, për shkak të një goli të anuluar në minutat shtesë.

Luis Felipe shënoi për Vorën, por VAR anuloi golin për faull të Ruzgis, i cili shtyu një nga lojtarët e Teutës.

Falë kësaj fitoreje, Teuta pozicionohet momentalisht në vendin e katërt në renditje me 18 pikë.

LEXONI GJITHASHTU:

Sfida e mbijetesës përfundon pa fitues, Flamurtari dhe Tirana ndajnë pikët në Vlorë