Ekipet shqiptare në Conference League, Ballkani beson te kualifikimi

Ndeshjet e kthimit të raundit të dytë të Conference League zhvillohen këtë të martë, ku zbresin në fushë ekipet si Ballkani, Drita, Decic dhe Struga. Në duelin e parë të katërta kanë arritur të sigurojnë rezultat pozitiv, por sa i përket çështjes kualifikim asgjë nuk është e sigurt. Skuadra nga Suhareka udhëton drejt Maltës, aty ku e pret Hamrun, me duelin e parë që u mbyll pa gola. Në letër Ballkani shihet si më favorit, por do të jetë fusha ajo e cila do të tregojë skuadrën më të mirë.

Sa i përket 3 skuadrave të tjera shqiptare, ato rrëmbyen fitore në ndeshjen e parë, me Decic që mori një rezultat tejet pozitive 2-0. Dinamo Batumi është kundërshtari i skuadrës nga Mali i Zi, ekip të cilin sezonin e shkuar e eliminoi Tirana. Drita është skuadra e parë e cila do të njohë verdiktin pasi luan në orën 17 dhe pret në shtëpi Breidablik. 2 gola të shpejtë nga Manaj e Tusha në transfertë mjaftuan që të besuarit e Ramadanit të jenë 1 hap para në cështjen kualifikim.

Pas një dominimi absolut në shtëpi, Struga beson tek rezultati pozitiv dhe këtë të martë në ndeshjen e kthimit, ku në rast kalimi më tej e pret një mes Ordabasit dhe Diferdanzh.