Kasami niset drejt Shkupit për bisedime me VMRO-DPMNE për formimin e qeverisë së re

Kryetari i Lëvizjes Besa, pjesë e koalicionit opozitar shqiptar VLEN në Maqedoninë e Veriut, Bilall Kasami është nisur drejt Shkupit për bisedime me VMRO-DPMNE për formimin e qeverisë së re.

Lajmin e bëri të ditur vetë Kasami për Euronews Albania, ku tha se në bisedime do të flitet për parimet e bashkëqeverisjes dhe për formimin e grupeve të punës.

Ai tha gjithashtu se qeverisja e ardhshme 4-vjeçare e Maqedonisë së Veriut do të jetë shumë më e mirë.

“Sot në Shkup koalicioni VLEN nis zyrtarisht bisedimet me fituesin e këtyre zgjedhjeve, VMRO për bashkëqeverisje, ku do të bisedohen parimet kryesore të bashkëqeverisjes. Do të bisedohet edhe për formimin e grupeve të punës për qeverisjen e ardhshme 4 vjeçare. Siç është sot në Tetovë ditë me diell edhe e bukur, ashtu do të jetë edhe kjo qeverisje 4-vjeçare”, tha Kasami në një video-mesazh të ndarë për Euronews Albania.

LEXONI GJITHASHTU:

• Zgjedhjet në RMV/ Kasami: Ali Ahmeti do të marrë ‘knock aut’ më 8 maj
• “Kosova një partner i rëndësishëm për RMV”/ Kasami: Sulmet ndaj Kurtit të pakuptimta