Eksperti: Dita e hënë ka më shumë aksidente, nga ora 8-12 paradite. Ja arsyeja

Mamir Hodo, ekspert dhe auditues i sigurisë rrugore, është shprehur se numri më i lartë i aksidenteve ndodh ditën e hënë në oraret 08:00-12:00.

Komentet Hodo i bëri në emisionin “Good Morning Albanians” në Euronews, ku tha se kjo ndodh për shkakun se këto orare kanë fluksin më të lartë të automjeteve.

Ai tha gjithashtu se shqiptarët janë mësuar që të lëvizin me automjetet personale edhe brenda qendrave të banuara dhe të mos përdorin transportin publik, gjë që sjell mbingarkesë të fluksit të makinave në rrugë.

“2024 ka më shumë aksidente se 2023. Numri më i lartë i aksidenteve ndodh në ditën e hënë. Po ashtu numri më i madh i aksidenteve ka ndodhur gjatë harkut kohor nga ora 08:00-12:00 në drekë.

Sepse është fluksi më i madh i lëvizjes së mjeteve, qarkullojnë në rrugët interurbane dhe në qytet dhe është jeta më aktive.

Fatkeqësisht drejtuesit e mjeteve edhe brenda qendrave të banuara janë mësuar të lëvizin me mjete personale, ndërkohë që mund të lëviznin me mjete të transportit publik”, tha Hodo.

LEXONI GJITHASHTU:

• Aksident i rëndë në Librazhd-Elbasan, vetura përplaset me kamionçinën
• Aksident në aksin ‘Pogradec-Drilon’, përplasen 2 makina, plagosen 4 persona