Eksperti i sigurisë rrugore: Nëse e paguan brenda 30 ditëve, gjoba ulet me 20%

Eksperti i sigurise rrugore, Islam Qibini deklaroi se është bërë një propozim për ndryshim të dispozitës në Kodin Rrugor, sa i përket likuidimit të gjobave.

Në emisionin “Good Morning Albanians” në Euronews Albania, Qibini u shpreh se është propozuar që nëse gjoba paguhet brenda 30 ditëve, të ulet me 20%.

“Ishte e domosdoshme të bëheshin disa ndryshime përsa i përket likuidimit të gjobave. Nëse ti e paguaje brenda 5 ditëve ulej 20%, tani është propozuar që brenda muajit, nëse një qytetar e likuidon gjobën brenda 30 ditëve, ulet 20%. Kjo është diçka pozitive që u shërben të gjithë qytetarëve.

Problemi është sa i përket rritjes së shpejtësisë. Është bërë një propozim, nga 90 km/h në rrugët interurbane dhe kryesore, të kalojë në 130 km/h në autostrada, mendoj se është një propozimin e parakohshën, pasi nuk kemi infrastrukturën e përshtatshme”, theksoi ai.