Eksperti i sigurisë: Rusia e lodhur me Vuçiç, ja me kë po e zëvendëson

Eksperti i sigurisë Bedri Elezi ishte këtë të premte i ftuar në një intervistë për Euronews Albania ku tha se duket se presidenti Aleksandër Vuçiç e ka lodhur Rusinë me lojën që ai ka tentuar të bëjë si me bashkimin Europian edhe me SHBA-në.

Sipas tij me zgjedhjen e Aleksandër Vulinit si kryeministër, tashmë Rusia ka në Beograd qeverinë e saj e cila lidhet me klanin kriminal të Novi Sadit.

“Është fakt se tashmë në Beograd është instaluar qeveria e klanit kriminal të Novi Sadit. Është një klan kriminal që kontrollon jetën politike e publike në Serbi. Në krye të qeverisë është ish kryetari i Novi Sadit dhe janë strukturat e këtij klani, siç është tashmë njeriu kryesor i Putinit që është Aleksandër Vulin, i cili ka qenë ministër i punëve të brendshme, drejtor i shërbimit sekret BIA dhe anëtar kryesor i klanit të Novi Sadit.

Në klanin e Novi Sadit është edhe vëllai i presidentit të Serbisë. Në mënyrë të drejtpërdrejtë kjo qeveri duket se sfidon Vuçiçin, i cili duket se e lodhur bashkimin europian dhe shtetet e Bashkuara të Amerkës dhe kjo lojë duket se nuk i ka pëlqyer Rusisë, e cila tashmë është sforcuar Rusia duke parë qeverinë e saj komplet në Beograd për shkak të klanit të Novi Sadit”-tha eksperti Elezi.