Eksperti: Kamarierëve shqiptarë i shkon rroga 1 milion përfshirë dhe bakshishet

Eksperti i komunikimit, Rezart Cenaj tha në një intervistë për “Good morning Albanians” në Euronews Albania se kamarierëve shqiptarë i shkon rroga 1 milion lekë përfshirë dhe bakshishet.

“Unë di që në këtë moment që flasim pagat janë rritur goxha, varet gjithmonë nga vendi ku punon. Ne kemi dhe kulturën e lënies së bakshishit dhe një kamarier për shembull në një kafe bar të mirë mund të shkojë deri në 1 milion të vjetra në muaj,” – u shpreh Cenaj.

Ai tha se një kamarier i mirë që punon në një lokal i cili ka punë mund të marrë deri në 5 mijë lekë të reja në ditë bakshish.

Eksperti shtoi se përgjithësisht bakshishet kundërshtohen si metodë pune duke qenë se mbajnë gjallë idenë e pagave të ulëta.

LEXONI GJITHASHTU:

• Naim Flamuri: Kur vij në Shqipëri i lë kamarierit 4 euro bakshish, për mua janë pak
• “4000€ paga minimale e kamarierit australian”, studiuesi: Bakshishi jo i detyrueshëm