Eksperti: Kursi i këmbimit nuk justifikohet, paratë e emigrantëve nga bota e krimit

Eksperti i ekonomisë, Zef Prençi, tha në një intervistë për “Good morning Albanians” në Euronews Albania se reforma si amnistia fiskale kanë inkurajuar penetrimin e parave me origjinë kriminale, që bashkë me ato informale të futen në ekonominë kombëtare.

“Sot nuk ka një kufi të ndarë midis tyre dhe ka një presion në rritje nga paratë informale dhe kriminale për të penetruar në ekonomi dhe kjo është motivuar edhe nga e ashtuquajtura amnisti fiskale që praktikisht po ndodh, pavarësisht se zyrtarisht drafti është kontestuar,” – u shpreh Prençi.

Ai sqaroi se kursi i këmbimit i ka rrënjët te kërkesë-oferta. Për Bankën Qendrore, siç tha Prençi, është politikisht korrekte t’i shoh rrënjët e kursit të këmbimit te prurjet e emigracionit, pavarësisht se ai vetë s’e gjykon si të përshtatshme. Sipas tij, ky kurs këmbimi është i pajustifikueshëm, nëse nuk do të ishte për paratë e emigrantëve që vijnë si pasojë e lidhjes me krimin.

LEXONI GJITHASHTU:

• Europa, kontinenti që po ngrohet më shpejt në botë
• Matura| Del teza e Ekonomisë dhe Fizikës 15 minuta para nisjes së provimit