Eksperti: Vrasësi i 41-vjeçarit në Fier, frekuentues i poligoneve të qitjes

Eksperti i sigurisë Faik Basha ishte mëngjesin e kësaj të premteje në “Good Morning Albanians” për të folur për ekzekutimin e 41-vjeçarit në Fier.

Bëhet fjalë për ngjarjen e ditës së djeshme ku Elton Javori u ekzekutua me armë zjarri në lagjen “16 prilli” të qytetit të Fierit.

Sipas ekspertit personi që ka kryer aktin ka pasur njohuri të mira të armëve të zjarrit dhe mund të ketë qenë frekuentues i rregullt i poligonit të qitjes.

“Personi i cili ka kryer ekzekutimin, nga eksperienca që kam mund  të them se ai e njeh shumë mirë armën, i njeh shumë mirë metodat e qitjes. Nuk mund të them nëse ka qenë vrasës me pagesë, por mund të them se ai është një njeri që i ka frekuentuar rregullisht poligonët e qitjes”,-tha eksperti i sigurisë.

LEXONI GJITHASHTU:

• Hill flet për dialogun e Brukselit: Të gjithë duhet të bëjnë disa lëshime
• “Në Kosovë paguhesh më mirë në ndërtim sesa unë si gazetar”-Kafexhiu: Por pse ikin