Ekspertja e punësimit: Nuk respektohen kontratat e punës, firmos 10 faqe pa e ditur

Sot është 1 Maji, Dita Ndërkombëtare e Punëtorëve. Kjo ditë është e njohur në shumë vende të botës, por jo në të gjitha. Më saktësisht, ajo i referohet kujtimit të protestave të punëtorëve që synonin një të drejtë të madhe dhe që konsistonte ne orarin e punës, në 8 orë.

Ekspertja e punësimit Kumrie Zika tha në emisionin GoodMorning Albanians në Euronews Albania se në Shqipëri nuk respektohen kontratat e punës.

“Vazhdon që kontratat të jenë shumë formale, edhe kur ta japin të thonë merre firmose se është thjesht një draft, edhe fakti që ta japin në këtë mënyrë. Nuk respektohet orari, orët shtesë të punës, pushimet. Orët shtesë duhet të jenë të paguara në bazë të orareve dhe pagës mujore. Pushimi i punëtorit; kur kërkon disa ditë pushim për arsye të ndryshme është shumë  e vështirë për t’u dhënë nga punëdhënëse dhe shikoj që edhe kolegët kanë bëjnë më të vështirë këtë”, tha ekspertja.