Turistët që vizitojnë Venecia do të paguajnë nga sot një taksë turistike. Përkatësisht, qyteti vendos një tarifë prej pesë eurosh për turistët që e vizitojnë këtë qytet vetëm për një ditë.

Migena Kamberi, eksperte turizmi tha në emisionin GoodMorning Albanians në Euronews Albania se Italia ka kryesuar në kërkesat për destinacionet turistike dhe ndër qytetet e Italisë një nga më të preferuarat është Venecia sidomos në periudhën e karnavaleve.

Teksa komentoi taksën për turistët që hyri në fuqi një ditë më parë, ajo u shpreh se shqiptarët nuk do e kenë problem ta paguajnë atë, mjafton që të shkojnë në Venecia.

“Italia ka kryesuar nga destinacionet e tjera, Venecia në veçanti. Mendoj se shqiptarët s’e kanë problem fare ta paguajnë taksën 5 euro, mjafton që të shkojnë. Venecia është pak e shtrenjtë krahasuar me qytetet e tjera”, tha ekspertja.

LEXONI GJITHASHTU:

• Banorët e Venecias kundërshtojnë me protesta tarifën ndaj turistëve
• Hyn në fuqi taksa për turistët në Venecia, sa do paguajnë nga sot