Ekspresi dhe tavolina ku ishin të rinjtë, pamjet nga lokali i vrasjes së dyfishtë

Këto janë pamjet brenda lokalit ku ndodhi përplasja që përfundoi tragjikisht me vrasjen e dy të rinjve, përkatësisht Aranit Kurti 23 vjeç dhe Flori Paluça 33 vjeç nga Manza e Durrësit.

Siç shihet në pamjet e siguruara nga Euronews Albania, duket ekspresi dhe tavolina ku ishin të ulur të rinjtë.

Rreth orës 01:45 të së mërkurës, dy të rinjtë Daniel Pepa dhe Aranit Kurti u futën brenda ambienteve të këtij lokali dhe Pepa kërkoi një kafe kamarierit, i cili i tha se nuk shërbenin, pasi ekspresi ishte fikur.

Dyshohet se 21-vjeçari Pepa i kërkoi kamarierit, me ton fyes, që ta ndizte dhe të bënte kafen.

Në lokal ndodhej edhe Flori Paluçi, i cili i kërkoi Pepës të mos e ofendonte kamarierin e lokalit.

Pas sherrit verbal, ka qenë Paluçi ai që ka qëlluar mikun e Pepës, Aranit Kurtin, ndërsa Daniel Pepa ka reaguar duke vrarë Palucin.

Burimet thonë se nga pamjet e kamerave të sigurisë duket që Aranit Kurti ka dalë jashtë me Flori Paluçin, ku Araniti e ka goditur me grusht Paluçin.

Ky i fundit ka nxjerrë armën, e cila duket se është shkrepur në mënyrë të pavullnetshme, ku plumbi e ka kapur në shpatull Aranit Kurtin.

Menjëherë ka dalë jashtë Daniel Pepa, i cili ka parë shokun Aranitin të shtrirë dhe për këtë Pepa e ka qëlluar Flori Paluçin me një armë, duke e lënë të vdekur.

Nuk është saktësuar nëse Pepa ka qëlluar me armën e tij apo nëse ia ka marrë Paluçit në konflikt e sipër ndërsa është shpallur në kërkim nga policia.

Pamjet nga brenda lokalit ku ndodhi ngjarja me dy të vrarë në Manze. Ekspresi, kafja e munguar dhe dy jetë të humbura pic.twitter.com/opaIp0OaiA

— Euronews Albania (@EuronewsAlbania) October 22, 2025

LEXONI GJITHASHTU:

• Konflikti për një kafe solli dy viktima, zbardhet dëshmia e kamarierit të lokalit
• EMRAT/ “Na bëj një kafe o kamarier”, si nisi sherri ku mbetën dy të vrarë në Durrës
• U vra pas sherrit për një kafe në Manzë, del foto e të riut Aranit Kurti
• U vra pas sherrit për një kafe në Manzë, del foto e 33-vjeçarit Flori Paluçi