Ekstradohen në Itali tre shtetas shqiptarë të akuzuar për trafik droge

Tre shtetas shqiptarë të shpallur në kërkim ndërkombëtar janë ekstraduar nga Shqipëria drejt Italisë, në kuadër të një bashkëpunimi operacional ndërmjet Interpol Tiranës dhe Interpol Romës.

Sipas njoftimit zyrtar të policisë, ekstradimi është kryer për llogari të autoriteteve italiane dhe përfshin shtetasit:

• Albert Koni, 51 vjeç, i dënuar nga Gjykata e Torinos në vitin 2025 me rreth 4 vjet e gjysmë burgim për veprën penale “Prodhimi dhe shitja e narkotikëve”. Ai akuzohet se në vitin 2017 ka shitur kokainë në ambiente publike në zonat Arona dhe Novara.
• R. A., 21 vjeç, ndaj të cilit Gjykata e Milanos në vitin 2024 ka caktuar masën e sigurisë “Arrest në burg” për veprën penale “Trafikimi i lëndëve narkotike”, kryer në kuadër të një organizate kriminale. Sipas autoriteteve italiane, ai është përfshirë në një rrjet që ka trafikuar sasi të mëdha droge në Milano gjatë viteve 2022-2024.
• A. F., 39 vjeç, për të cilin Gjykata e Gjenovas ka vendosur masën e sigurisë “Arrest në burg” në kuadër të hetimeve të operacionit “COOK 2020” të Policisë italiane. Ai akuzohet për trafik droge dhe armëmbajtje pa leje, në kuadrin e një organizate kriminale.

LEXONI GJITHASHTU:

• “Betohem në Kuran, ta fal gjakun” Alibej dëshmon në GJKKO, zbulon bisedat me Dumanin
• Rrëfehet Nuredin Dumani, dëshmon lidhjet me policinë: Si kaloja me armë në kufi
• Nga Talo Çela te vëllezërit Çopja, Dumani tregon listën me 10 emra që i dha Alibej