I shpallur non grata në Shqipëri, Karathanos në krye të protestës për Belerin

Një prej personave që ishte në krye të protestës së zhvilluar të martën para ambasadës shqiptare në Athinë në mbështetje të Fredi Belerit, ishte dhe Babis Karathanos.

Karathanos është i shpallur non grata në Shqipëri për thirrje antishqiptare. Ai u ndalua të hynte në Shqipëri në 2019, për ceremoninë përkujtimore në 1 vjetorin e vdekjes së Kostandin Kacifas.

Karathanos ishte pjesë e listës së kandidatëve për deputet në zgjedhjet e fundit parlamentare në Greqi. I kandiduar nga partia Demokracia e Re, e kryeministrit Mitsotakis, Karathanos nuk mundi të ishte pjesë e listës fituese dhe të merrte mandantin.

Në deklarimet publike përpara zgjedhjeve ai u shpreh se shpresonte të fitonte për të mbrojtur interesat e shtetit grek dhe minoritetit grek në Shqipëri e jo vetëm.

Kujtojmë se në legjislaturat e mëparshme Babis-Harallambos Karathanos ka qenë deputet i partisë Demokracia e Re, dhe partisë LAOS.

LEXONI GJITHASHTU:

• “Demokracia nuk burgoset”, nis në Athinë protesta kundër arrestimit të Belerit
• “Ti jepet fund marrëzisë”, kreu i OMONIA për Belerin: Do kërkojmë ndihmën e Greqisë