Elbasan/ Shpërdoruan detyrën, AMP pezullon tre punonjës policie

Agjencia e Mbikëqyrjes Policore (Rajoni Elbasan-Korçë), ka ekzekutuar urdhrin e Prokurorisë për pezullimin e tre punonjësve të Komisariatit të Policisë Elbasan, të cilët dyshohen për shpërdorim detyre.

Vendimi është marrë nga Gjykata e Shkallës së Parë të Elbasanit dhe ka caktuar masën e sigurisë “Pezullimi i ushtrimit të një detyre a shërbimi publik” ndaj tre punonjësve të policisë, për “Shpërdorim detyre”.

Punonjësit e pezulluar më konkretisht janë:

• Nënkomisar A. ZH., 35 vjeç, Specialist për Rendin në Komisariatin e Policisë Elbasan;

• Inspektor P. B., 54 vjeç, Ndihmës Specialist Informacioni në Komisariatin e Policisë Elbasan;

• Inspektor J. GJ., 60 vjeç, Ndihmës Specialist për ruajtjen e dhomave të sigurisë në Komisariatin e Policisë Elbasan.

Hetimet për këtë rast lidhen me një ngjarje të ndodhur më 3 qershor 2025, kur këta punonjës nuk morën masat e nevojshme për trajtimin dhe sigurimin e personave të ndaluar/shoqëruar në ambientet e policisë.

Si pasojë e mosveprimit të tyre, një shtetas i arrestuar , B. Z., ka arritur të arratiset nga dhomat e sigurisë,  i dyshuar për një vepër penale.

LEXONI GJITHASHTU:

• Procesi i rinumërimit për 4 qarqe, Celibashi jep detaje: Do hapen 2323 qendra votimi
• Dënohen me burgim të përjetshëm dy të pandehurit për vrasjen e Artan Cukut