Elbasan| Vodhën dy automjete, arrestohet një shtetas, në kërkim tjetri

Policia e Elbasanit ka vënë në pranga në shtetas dhe ka shpallur nëkërkim një tjetër, pasi dyshohet se kanë vjedhur dy automjete.

Sipas njoftimit nga Policia bëhet me dije se është arrestuar shtetasi F.B., 26 vjeç dhe po vijon pun për kapjen e autorit tjetër, shtetasit L. P., 35 vjeç, të dy këta banues në Elbasan.

Të 2 autorët, kanë precedent të mëparshëm kriminal në fushën e armëmbajtjes pa leje/prodhimit dhe shitjes së lëndëve narkotike.

Nga veprimet hetimore të kryera dyshohet se këta shtetas, më datë 06.10.2024, kanë vjedhur në lagjen “Shënkoll”, një automjet tip “Benz”, në pronësi të shtetasit E. D., 65 vjeç.

Gjithashtu, shtetasit F. B. dhe L. P. dyshohen autorë të vjedhjes së ndodhur më datë 24.09.2024, në lagjen “Brigada 17 Sulmuese”, të një automjeti tip “BMË”, në pronësi të shtetasit I. M., 78 vjeç.

Automjeti tip “Benz” i vjedhur, u gjet në lagjen “Shënkoll” dhe u sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• Vodhën 55 mijë euro dhe flori në një banesë, arrestohen në Krujë 2 vlonjatët
• I vodhën portofolin me 1170 euro brenda, arrestohet një shtetas, në kërkim tjetri