Vodhën 55 mijë euro dhe flori në një banesë, arrestohen në Krujë 2 vlonjatët

Dy vëllezër në Krujë kanë rënë në prangat e Policisë, pasi vodhën një shumë prej 55 mijë euro dhe aksesorë floriri në një banesë.

Përmes një njoftimi Policia bën të ditur se në cilësinë e provës materiale janë sekuestruar aksesorët e vjedhur dhe një automjet.

Dy vëllezërit e arrestuar janë banues në Vlorë, ndërkohë materialet i kaluan Prokurorisë për veprime të mëtejshme.

Njoftimi i Policisë:

Krujë/Vodhën shumën 55 000 euro dhe aksesorë floriri në një banesë, arrestohen dy vëllezërit.

Finalizohet operacioni policor i koduar “Survejimi”, nga Komisariati i Policisë Krujë në bashkëpunim me Seksionin e Forcës së Posaçme për Operacionet Speciale në DVP Tiranë dhe DVP Vlorë.

Sekuestrohen aksesorë floriri të dyshuar të vjedhur, dhe një automjet.

Specialistët për Hetim e Krimeve të Komisariatit të Policisë Krujë në bashkëpunim me me Seksionin e Forcës së Posaçme për Operacionet Speciale në DVP Tiranë dhe DVP Vlorë, në vijim të punës për goditjen e veprimtarive kriminale në fushën e vjedhjes së pronës dhe pasurisë, dhe për vënien përpara përgjegjësisë penale, të shtetasve që i kryejnë ato, kanë organizuar dhe finalizuar operacionin policor të koduar “Survejimi”.

Si rezultat i tij u arrestuan shtetasit S. D., 30 vjeç, dhe S. D., 21 vjeç, (vëllezër), banues në Vlorë, për veprën penale “Vjedhja” kryer në bashkëpunim, parashikuar nga neni 134 i Kodit Penal.

Dy vëllezërit dyshohet se me datë 21.07.2024, në bashkëpunim me njëri-tjetrin, kanë vjedhur në një banesë në Fushë-Krujë, shumën 55 000 euro, dhe aksesorë të ndryshëm floriri.

Materialet i kaluan Prokurorisë.

LEXONI GJITHASHTU:

• Vjedhje në muzeun britanik, artisti brazilian merr monedhën historike për ekspozitë
• Trafikoi 2 mjete luksoze të vjedhura në Itali, arrestohet 33-vjeçari nga Lezha