Emërimi i ministrave, Bardhi kërkesë Nikollës që seanca të zhvillohet me debat

Pasi Presidenti i Republikës, Bajram Begaj dekretoi shkarkimin e ministrave që largohen nga detyra, dhe njëkohësisht emërimin në detyrë të ministrave të rinj, sot është Kuvendi që do të jap votën ose jo për ta.

Teksa pritet që të mbahet seanca plenare, Sekretari i Përgjithshëm i PD-së Gazment Bardhi, i ka nisur një kërkesë Kryetares së Kuvendit Lindita Nikolla, që seanca parlamentare të zhvillohet me diskutime dhe debate.

“Në mbështetje të neneve 48 dhe 110 të Rregullores së Kuvendit, ku përcaktohet se çdo deputet ka të drejtë të flasë jo më shumë se 10 minuta, me përjashtim kur në Rregullore parashikohet ndryshe, kërkojmë që shqyrtimi i Dekreteve për shkakrkimin dhe emërimin e Ministrave të zhvillohet me diskutimin e secilit deputet që dëshiron të diskutojë”-thuhet mes të tjerash në kërkesën e Bardhit.

Ndryshimet në qeveri u njoftuan nga Kryeministri Edi Rama, gjatë Asamblesë së Partisë Socialiste më 4 shtator.

Emërimet

Igli Hasani, Ministër për Europën dhe Punët e Jashtme

Ervin Mete, Ministër i Financave dhe Ekonomisë

Arbjan Mazniku, Ministër i Pushtetit Vendor (Ministri e re):

Delina Ibrahimaj, Ministër Shteti për Sipërmarrjen dhe Klimën e Biznesit

Ogerta Manastirliu, Ministër i Arsimit dhe Sporti

Albana Koçiu Ministre e Shëndetit dhe Mirëqenies Sociale

Anila Denaj, Ministër i Bujqësisë dhe Zhvillimit

Shkarkimet

Olta Xhaçka nga posti i Ministrit për Europën dhe Punët e Jashtme

Delina Ibrahimajt nga posti i Ministrit të Financave dhe Ekonomisë

Edona Bilali nga posti i Ministrit të Shteti për Sipërmarrjen dhe Klimën e Biznesit

Ogerta Manastirliu nga posti i Ministrit të Shëndetit dhe Mirëqenies Sociale

Evis Kushi nga posti i Ministrit të Arsimit dhe Sporti

Frida Krifca nga posti i Ministrit të Bujqësisë dhe Zhvillimit

Milva Ekonomi nga posti i Ministria e Shtetit për Standardet dhe Shërbimet. Kjo ministri shkrihet.

LEXONI GJITHASHTU: 

• Tjetër trofe për Xhokoviç, tenisti serb triumfon në finalen e US Open
• Prindërit e kishin çuar në çerdhe, ndërron jetë foshnja 2-vjeçe