‘Emigrantët’ në zgjedhjet e BE-së. Në Itali nisin tensionet refugjatë-vendas

Monfalkone është qyteti italian me numrin rekord të emigrantëve, gjë që ka krijuar tensione në radhët e vendasve dhe politikanëve. Një e treta e banorëve janë nga jashtë, me shumicën e tyre nga Bangladeshi. Gjithashtu, 2 në 3 të lindur janë fëmijë emigrantësh.

Nën lidershipin e kryebashkiakes Ana Çizint, që i përket ekstremistëve të partisë Lega, këshilli bashkiak ka marrë masa radikale, por shumica e qytetarëve e mbështesin atë.

 “Vazhdoni kështu, ndryshe Monfalkone brenda pak vitesh do kthehet në një Bangladesh të dytë”,-tha një qytetar.

Dhe për këtë, kryebashkiakja Anna Cisint bie dakord:

 “Rreziku me të cilin përballemi në qytet është ai me të cilin përballet gjithë Evropa. Këtë e tregojnë faktet”.

Sojun, bashkëshortja Sokta dhe dy fëmijët e tyre janë nga Bangladeshi. Ai punon në një kantier detar.

 “Gjeta punë menjëherë sapo erdha. E dua shumë Monfalkonen, është shtëpia ime e dytë”.

Bashkëshortja e tij shoqëron fëmijët për në shkollë.

 “Më pëlqen Italia sepse dua një jetë më të mirë dhe t’u jap fëmijëve një të ardhme më të mirë”.

Emigracioni do të ndikojë pa dyshim në zgjedhjet euro-parlamentare.

LEXONI GJITHASHTU:

• Dash Shehi: Opzozita duhet të shtyjë që emigrantët të votojnë. Moment pozitiv
• Në kampin e emigrantëve në Gjadër, Euronews Albania hyn brenda territorit