Në kampin e emigrantëve në Gjadër, Euronews Albania hyn brenda territorit

Punimet për përfundimin e kampit pritet të vijojnë në mënyrë intensive gjatë gjithë verës. Emigrantët e parë do të mbërrijnë në ish-bazën ushtarake të Gjadrit gjatë muajit nëntor.

Euronews arriti të hyjë dhe brenda qendrës së pritjes në Portin e Shëngjinit, ku do të bëhet dhe verifikimi i parë i emigrantëve. Punimet në këtë objekt thuajse janë përfunduar.

Sipas marrëveshjes mes Shqipërisë dhe Italisë, hapësira e dy objekteve ku do strehohen emigrantët konsiderohet territor italian dhe institucionet italianë përgjigjen për ndërtimet, cilësinë e tyre, si dhe sigurinë e brendshme.

Në Itali, ngritja e këtij kampi ka shkaktuar polemika të forta për çështje që lidhen me të drejtat e njeriut, por dhe me koston mbi 600 milionë euro të këtij projekti.

LEXONI GJITHASHTU:

• Pr.ligji për surrogacinë, KNFSH: Mos të kalojë në Kuvend, cenon dinjitetin e gruas
• Rritet interesi i turistëve nga Europa për Shqipërinë, 1.4 mln vizitorë në prill