Emigrantët zgjedhin Shqipërinë për të festuar Pashkët, fluks i shtuar në Kapshticë

Festa e Pashkëve ka sjellë një fluks të shtuar në hyrje të pikës kufitare të Kapshticës. Qindra emigrantë shqiptarë kanë zgjedhur të kthehen në vendlindje për të festuar pushimet e Pashkëve ortodokse.

Siç shihet dhe nga pamjet e siguruara nga Euronews Albania në pikën kufitare shihen radhë të gjata automjetesh që presin të kalojnë në drejtim të Shqipërisë.

Mësohet se kjo pikë kufitare po punon me 4 sportele në hyrje dhe 2 në dalje, për të bërë të mundur kalimin e shpejtë të qytetarëve dhe për të shmangur rradhën. Megjithatë fluksi është krijuar këtë paradite dhe pritet të vijojë edhe gjatë fundjavës.

LEXO GJITHASHTU:

• Telogu: Kujdes! Mos i shkelni me këmbë lëvozhgat e vezës së kuqe
• “Vezë të personalizuara për Pashkët”, zonja nga Gjirokastra: Ja pse i kërkojnë