“Vezë të personalizuara për Pashkët”, zonja nga Gjirokastra: Ja pse i kërkojnë

Olga Kalimera, një zonjë nga Gjirokastra tha për “Good Morning Albanians”, se përveç vezës së kuqe, tashmë për të festuar Pashkët, ajo bën edhe vezë të personalizuara.

Ajo ka treguar se për këto vezë dekorative ajo përdor, shkumë deti dhe materiale dekorative, si ngjyra, fjongo apo gurë të ndryshëm me shkëlqim. Olga tha se kjo është një mënyrë e mirë jo vetëm për t’u argëtuar me fëmijët, por edhe për të bërë disa dhurata të bukura.

“Përveç vezëve të kuqe që duhet të jenë në çdo tavolinë ortodokse, unë kam sjellë një risi, për t’u zbavitur bashkë me fëmijët. Për t’u argëtuar por edhe për të bërë dhurata shumë të bukura për të ftuarit tanë që  do kemi atë ditë në tavolinën e pashkës.

Unë kam bërë disa vezë dekorative me shkumë detit. Këto unë i përpunoj me teknikat e mia, me ngjyrosje dhe dekorime.

Kështu në tavolinën e Pashkës përveç vezëve të kuqe kemi edhe vezë dekorative, të cilat edhe m’i kërkojnë shumë. Mua më shumë më kërkojnë vezë me emrin e fëmijëve apo me një datë të cilat i punoj me dorë”,-tha për Euronews Albania Olga Kalimera.

LEXONI GJITHASHTU:

• Çfarë është “darka mistike”? Katekisti tregon rëndësinë e të enjtes së madhe
• Korçarja: Në Korçë dhe Berat festohen Pashkët më mirë se kudo tjetër
• “5.4 mln dollarë për të dërguar mesazhe me pëllumb”, eksperti zbulon trendin e ri