Emigrimi, Hoxhaj: Institucionet në Britani të paafta për të trajtuar si problem

Andi Hoxhaj, ekspert integrimi u shpreh në një intervistë për Euronews Albania se institucionet britanike nuk kanë qenë të afta për të adresuar problemin me fluksin e emigrantëve.

Ai tha se edhe trajtimi që po u bëhet shqiptarëve, të cilët tentojnë të futen ilegalisht në Britaninë e Madhe, ka nuancë politike.

“Në Britaninë e Madhe thuhet nga statistikat se shqiptarët përbëjnë popullsinë më të madhe në burgjet britanike për nënshtetasit e huaj. Narrativa është ndërtuar që këtë vit kanë ardhur 10 mijë burra shqiptarë, 12 mijë në përgjithësi me varka, është spekuluar që këta do përfshihen në krimin e organizuar. Ka një nuancë politike e gjithë kjo. Institucionet britanike nuk e kanë adresuar në kohë fluksin e emigrantëve dhe nuk kanë qenë të afta për ta adresuar si problem”, u shpreh ai.

Hoxhaj shtoi se politikanët bëjnë çfarë thonë sondazhet dhe janë kundër emigrantëve.

LEXONI GJITHASHTU:

• Britani e Madhe, lideri i laburistëve prezanton programin populist duke goditur miliarderët
• BBC: Emigrantët shqiptarë po rekrutohen nga bandat në Britani
• Emigrantët shqiptarë, Rama: Gati për të punuar më afër me Mbretërinë e Bashkuar