Modelja dhe sipërmarrësja Emina Cunmulaj i drejtoi një thirrje shqiptarëve përmes ekranit të Euronews Albania që të dalin në votime në Malin e Zi.

Ajo jeton dhe punon në Shtetet e Bashkuara të Amerikës, por ka qenë e pranishme në Tuz për të ushtruar të drejtën e votës.

“Është hera e parë në mënyrë jetike që ekziston mundësia që shqiptarët e të gjitha trojeve të Malit të Zi të kenë disa përfaqësues në parlament, kështu që është e domosdoshme të votojmë. E ndjej veten të domosdoshme të vij disa ditë para pushimeve që të jem këtu saktësisht për votimet dhe vazhdimisht i ftoj gjithë shqiptarët e Malit të Zi të votojnë shqip,” – u shpreh Cunmulaj.

Ajo u shpreh se nuk ka asnjë lidhje me politikanët dhe i beson vetëm veprave. Siç tha sipërmarrësja nuk ka parë kurrë në 38 vite të punohet dhe të ndërtohen gjëra minimale, por që për shqiptarët e Malit të Zi janë shumë të rëndësishme.

LEXONI GJITHASHTU:

• Abazoviç: Shqiptarët e Malit të Zi nuk kanë qenë kurrë më të përfaqësuar se sot
• Dukaj: Po të ishim më të bashkuar do kishim më shumë deputetë në parlamentin malazez