Emisarët e BE do vizitojnë Beogradin, priten diskutime për situatën me Kosovën

Përfaqësues të Bashkimit Europian dhe SHBA do të vizatojnë këto ditë Beogradin, për të diskutuar për normalizimin e marrëdhënieve me Kosovën, pas sulmit në veri.

Përfaqësuesi i Bashkimit Evropian për dialogun Kosovë-Serbi, Mirosllav Lajçak, i dërguari i SHBA, Gabriel Escobar përfaqësuesit e Francë, Gjermani dhe kryeministrja e Italisë, do të vizitojnë këto ditë Beogradin.

Pritet që tema të takimit në Beograd të jenë harmonizimi i Serbisë me politikën e jashtme të BE-së dhe vendosjes së sanksioneve ndaj Rusisë për shkak të pushtimit të Ukrainës. Një çështje po kaq e rëndësishme është dhe zbatimi i Marrëveshjes së normalizimit mes Kosovës dhe Serbisë.

Presidenti i Serbisë, Aleksandër Vuçiç, ka thënë se të pesë emisarët do te jene  në Beograd më 21 tetor. Kreu i shtetit serb u shpreh se nuk e di përmbajtjen e mesazhit që do të vijë ngatë dërguarit e SHBA dhe BE.

Vuçiç ka pranuar se pret presion shtesë ndaj Serbisë pas sulmit të 24 shtatorit në Banjskë të Zveçanit ku mbeti i vrarë polici i Kosovës, Afrim Bunjaku.

Ndërkohë në vendet e Bashkimit Europian janë shtuar zërat për sanksione ndaj Serbisë lidhur me sulmin e armatosur ku humbi jetën një efektiv i Policisë së Kosovës.

LEXONI GJITHASHTU:

• Balla takon tifozin e veçantë nga Zvicra, i premton pasaportë shqiptare
• Humbi kontrollin e motorit, humb jetën 65-vjeçari në Dimal