Emisionet e RAI 3, “sulm” ndaj Ramës apo Melonit? Analisti jep përgjigjen

Analisti Ergys Mërtiri ishte këtë të hënë i ftuar në Euronews Albania ku tha se nuk mendon se dokumentari i Rai 3 kishte si qëllim të sulmonte Edi Ramën dhe qeverinë e tij.

Sipas tij Rai 3 ka bërë punën e saj si media duke denoncuar dhe duke i dalë kundër qeverisë së vendit të vetë dhe kryeministres Giorgia Meloni.

Sa i përket përmendjes në dokumentar të Shqipërisë si një narko-shtet, Mërtiri tha:

“Nuk besoj se RAI 3 ka ndonjë gjë personale me Edi Ramën. Ajo është një media serioze e cila ka guximin të kritikojë qeverinë dhe kryeministren e vendit të vet. Sa i takon emërtimit kundrejt nesh “narko-shtet” them se nuk ka rëndësi emërtimi. Ne kemi njerëz të rëndësishëm të kapur me trafiqe droge.

Zëvendës kryeministri, sekretari i përgjithshëm i qeverisë, ministra janë kapur me trafiqe droge. Prokurori i Napolit në Rai 3 pohonte që Shqipëria është e lidhur me krimin e organizuar ndërkombëtar me trafikun dhe ka lidhje me njerëz të rëndësishëm në qeveri.

Që këtu ka elementë të rëndësishëm të narko-shtetit, sepse shteti ndihmon favorizon, mbështet dhe përfiton nga trafiqet e drogave e çdo trafik tjetër, sigurisht që kjo është realitet dhe është e dukshme”,-tha Mërtiri.

LEXONI GJITHASHTU:

• “Me kë e keni luftën Argita?” Arian Çani përplaset me Malltezin: Më vjen keq!