Dy persona janë arrestuar sot në Ferizaj nën dyshimin se kanë bashkëpunuar me Agjencinë e Inteligjencës së Serbisë (BIA).

Në pranga janë vënë Bedri Shabani dhe Muharrem Qerimi dhe arrestimi i tyre është bërë i mundur pas zbulimit nga Agjencia Kosovare e Inteligjencës.

Ata dyshohet se janë marrë me manipulim te provave kundër UÇK në Gjykatën Speciale në Hagë.

Policia ka bastisur pronat e dy të arrestuarve, të cilët dyshohet se për shumë vite kanë bashkëpunuar me strukturat e inteligjencës serbe.

Njëri prej të arrestuarve ka qenë zyrtar doganor gjatë viteve ‘90-‘99, ndërsa pas luftës ka vazhduar të ushtrojë funksionin e doganierit gjatë periudhës së administrimit të UNMIK-ut në Kosovë.

LEXONI GJITHASHTU:

• Arrestohen dy persona për “spiunazh” në Kosovë
• Ramabaja për përgjimet në Kosovë: Pjesë e luftës hibride që zhvillon Serbia