English

EMRAT| Sekuestrohen pasuri me vlerë 8 mln € në Himarë, 24 urdhër-arreste

KOMENTE

SHPERNDAJE
ARTIKULLIN

Text sizeAa Aa

Prokuroria e Vlorës ka sekuestruar pasuri me vlerë 8 mln euro në Himarë, Dhërmi dhe Gjilekë.

- Advertisement -

24 masa sigurimi për “Shpërdorim detyre” dhe “Falsifikim të vulave, stampave dhe formularëve” janë ekzekutuar pas vendimi të gjykatës së Vlorës.

“Gjatë veprimeve hetimore të kryera në funksion të këtij procedimi penal, Prokuroria pranë Gjykatës së Shkallës së Parë në Vlorë ka marrë të dhëna se prej punonjësve të Drejtorisë së Administrimit dhe Mbrojtjes së Tokës, në bashkëpunim me persona të tjerë, gjatë vitit 2020 e në vijim janë nxjerrë nga arkivat e kadastrës së Këshillit të Qarkut Vlorë dokumente origjinale si “Akte të Marrjes së Tokës në Pronësi”, “Akte të Marrjes së Tokës në Përdorim”, “Formularë nr.6″ etj, dokumente të cila janë riprodhuar duke hequr origjinalet e ndara sipas ligjit.7501 “Për ndarjen e tokave bujqësore” dhe duke i zëvendësuar ato me dokumente të riprodhuara e të falsifikuara, duke shtuar në to sipërfaqe fiktive të tokës në bregdet”, thuhet në njoftimin e prokurorisë.

Prej një viti, SPAK ka kryer verifikime të shpeshta në kadastrën e Vlorës, ku në fokus kanë qenë pikërisht dosjet e pronave në bregdet.

Intensifikimi i verifikimeve nga SPAK nisi një vit më parë, kur në tetor 2021 u grabit Zyra e Mbrojtjes dhe Administrimit të Pronave në qarkun e Vlorës. Si pasojë e hetimeve, asokohe u arrestua drejtori i kësaj zyre, Bardhyl Gjika, specialisti i zyrës Kreshnik Mino dhe pak ditë me vonë ish-kreu i Kadastrës Klodian Troci.

Lidhur me këtë çështje policia e Vlorës ka ekzekutuar 24 masa sigurie: 6 masa sigurie “arrest në burg”, 8 masa sigurie “arrest në shtëpi”, 8 masa sigurie “Detyrim paraqitjeje” dhe shpalljen në kërkim 2 shtetas, për veprimtari kriminale në fushën e falsifikimit të dokumenteve.

Masat e sigurisë

Arrest në burg: Arqilea Veizi, Spiro  Dhima, Serxhio Joshi, Denis Kokaveshi, Vasillo Mëhilli, Artur Duni.

Arrest shtëpi: Andres Gjezo, Ilia Ruçi , Spiro Leka, Dhimitri Leka, Niko Leka, Anesti Dhimojani, Angjelo Gjoka, Jani Marko, Antigoni Andruco.

Detyrim paraqitje: Pavllo Xani, Epami Nonda Beleri, Sofia Beli, Arenusha Leka, Jani Zbogo, Mihallaq Ruci, Gjyzele Alibeaj.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×