Emrat| Shfrytëzonin për prostitucion të miturën, arrestohen dy persona në Maliq

Marsel Baçi, një 26-vjeçar nga fshati Podgorie i Maliqit është arrestuar nga policia, pasi dyshohet se shfrytëzonte për prostitucion një vajzë të mitur të moshës 16-vjeçare.

Në pranga ka përfunduar dhe një 41 vjeçar, i identifikuar si Selam Hyka, i cili dyshohet se ka kryer marrëdhënie seksuale me dhunë me shtetasen e mitur në fjalë.

Burime pranë grupit hetimor bëjnë me dije se dy personat e arrestuar e kanë shfrytëzuar të miturën prej disa vitesh.

Një gjë e tillë pranohet dhe nga familjarët 16-vjeçares, ku nëna ka deponuar në polici se vajza në të shumtën e rasteve është kërcënuar që të mos flasë për ngjarjen e rëndë.

Në drejtimin e Prokurorisë vijojnë hetimet për dokumentimin e plotë të këtij rasti dhe për identifikimin e shtetasve të tjerë të përfshirë.

Materialet procedurale  i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

“Specialistët e Seksionit për Hetimin e Trafiqeve të Paligjshme, si rezultat i veprimeve hetimore të kryera në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Korçë, për një rast të shfrytëzimit të një shtetaseje të mitur, për prostitucion, arrestuan shtetasit:

S. H., 41 vjeç, banues në fshatin Leminot, Maliq, për veprën penale “Marrëdhënia seksuale ose homoseksuale me dhunë me të mitur të moshës 14-18 vjeç”. Gjatë veprimeve të kryera në prezencë të psikologut, prindit dhe mbrojtësit ligjor, 16-vjeçarja ka kallëzuar se në muajin qershor të vitit 2024, ky shtetas ka kryer marrëdhënie seksuale me dhunë me të dhe i ka dhënë para;

M. B., 26 vjeç, banues në fshatin Podgorie, Maliq, për veprën penale “Shfrytëzimi i prostitucionit”, pasi nga veprimet hetimore të kryera për këtë rast, dyshohet se e shfrytëzonte 16-vjeçaren, për prostitucion”, njofton policia.

LEXONI GJITHASHTU:

• Parandalohet krimi në Lezhë, arrestohet 37-vjeçari! Çfarë iu gjet në banesë
• EMRI| Shfrytëzonte shtetase të huaja për prostitucion, arrestohet 29-vjeçari