EMRI| Arrestohet 37-vjeçari për kultivim narkotikësh, pritet ekstradimi në Spanjë

Këtë të hënë policia e Tiranës ka arrestuar një 37-vjeçar me qëllim ekstradimin e tij në Spanjë, pasi akuzohet nga Gjykata e Malagës, për kultivim të bimëve narkotike.

Sipas raportimeve, është  arrestuar shtetasi Gjergji Ceka alias Gjergj Kola 37 vjeç, banues në Tiranë, i cili ishte shpallur në kërkim ndërkombëtar.

Njoftimi i policisë:

Policia e Shtetit/Finalizohet operacioni i koduar “Operacionalja 76”.

Akuzohet nga Gjykata e Malagës, për kultivim të bimëve narkotike, kapet në Tiranë dhe arrestohet me qëllim ekstradimin në Spanjë, 37-vjeçari.

Në vijim të operacioneve të zhvilluara nga Drejtoria e Forcës së Posaçme Operacionale në Departamentin e Policisë Kriminale në Policinë e Shtetit, për lokalizimin, kapjen dhe ndalimin e shtetasve të shpallur në kërkim, bazuar dhe në informacionet e siguruara në rrugë operative, u finalizua operacioni i radhës, i koduar “Operacionalja 76”.

Gjatë këtij operacioni, u kap në Tiranë, shtetasi i shpallur në kërkim ndërkombëtar:

Gjergji Ceka alias Gjergj Kola 37 vjeç, banues në Tiranë.

Ky shtetas ishte shpallur në kërkim ndërkombëtar pasi Gykata e Malagës, Spanjë, me vendimin e datës 14.11.2025, i ka caktuar masën e sigurisë “Arrest në burg”, për veprën penale “Kultivimi i bimëve narkotike”.

Interpol Tirana, në bashkëpunim me Interpol Madridin, do të kryejë procedurat për ekstradimin e këtij shtetasi.

LEXONI GJITHASHTU:

• Kërkon të njihet me provat, mbahet seanca paraprake për dosjen “Meta” në GJKKO
• VIDEO/ Aksident në aksin rrugor Levan-Tepelenë, përmbyset kamioni me mandarina